Xabaringiz bor Prezidentimiz 2023-yil 21-dekabrdagi “Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlar to‘g‘risida”gi PF-209-sonli Farmoni hamda “O‘zbekiston mahallalari uyushmasi faoliyatini yo‘lga qo‘yish va mahallalarda boshqaruv tizimini takomillashtirishga oid qo‘shimcha chora-tadbirlar to‘g‘risida”gi PQ-402-son Qarori mamlakatimizda mahalla institutining nufuzini yanada oshirishda muhim poydevor vazifasini o‘tadi.

Jumladan Farmon bilan tasdiqlangan “Yo‘l xaritasi”da Mahallalarni qo‘llab-quvvatlash hududiy kengashlarining tashkiliy yig‘ilishlarini hamda O‘zbekiston mahallalari Uyushmasining Konferensiyasini o‘tkazish belgilab o‘tilgan. 

Bugun Bo’ston tumani hokimligida mahallani 
qo‘llab-quvvatlash bo‘yicha  kengashining tashkiliy yig‘ilishi bo‘lib o‘tdi. Unda sektor rahbarlari, tuman hokimining o‘rinbosarlari, mahalla raislari, tashkiliy qo‘mitaning a’zolari ishtirok etdilar.

Yig‘ilishni tuman hokimi S.Nosirova  olib bordi. Yig‘ilishda Ishchi hay’ati a’zolari tasdiqlab olindi.

Bo‘ston tumani hokimligi matbuot xizmati